Vəkillik arzusundan həkimliyə uzanan hekayə
Orta məktəb illərində hüquqşünas olmaq istəyən Dr.Aynur Çağlayan atasının istəyi və təkidi ilə həkim olub. Universitetin ilk illərində bu sahəyə həvəsi olmayıb, özünü ancaq hakim, vəkil kimi görmək istəyib. Həvəssizliyi universiteti bitirib həkimlik etməyə başlayanda qurtarıb. Xüsusən də praktika vaxtı ağır əməliyyatlarda xəstələrin həyatını xilas edən müəllimlərini gördükcə tibb sahəsinə bağlanıb. Həmin vaxtlardan ona mikrobiologiya yəni insan hüceyrələri ilə işləmək daha maraqlı gəlib.
Niyə Kök hüceyrə?
Ailəsində genetik artroz xəstəliyi olan Aynur Çağlayan bu ağrılara tutulmamaq və yaxınlarına kömək olmaq üçün regenerativ sahəyə yönəlib və bu barədə geniş araşdırmalar, axtarışlar edib. Elə ilk kök hüceyrə prosedurunu da öz üzərində edib. Hazırda isə daha çox estetik və invaziv əməliyyatlar edir.
Tanınmış həkimin kök hüceyrə müalicəsində əsas məqsədi insan yaşlanmasının, genetik, ağrılı xəstəliklərin qarşısını almaqdır. İnsan bədəninin qocalmasına mane olmaq əsas peşə kodeksidir.
Pasiyentlərin sevinci ilə xoşbəxt olan həkim
Kök hüceyrə müalicəsindən sonra pasiyentlərindən gələn müsbət rəylərlə xoşbəxt olan həkim Aynur Çağlayan onsuzda ailənin çox yükünü üstünə götürən xanımların yaşlanmasını, üz təravətlərini itirməsini istəmir, onlara kiçik də olsa sevinc bəxş etmək motivasiyası ilə biliklərini artırmağa çalışır. Həm də bugün ağ önlükdə xəstəxanada gəzəndə atasının onu həkim görmək arzusunu həyata keçirdiyinə görə bir övlad kimi fəxarət hissi keçirir.
Dr. Aynur Çağlayan-Regenerativ tibb və İnvaziv həkim
Tanınmış həkimin kök hüceyrə müalicəsində əsas məqsədi insan yaşlanmasının, genetik, ağrılı xəstəliklərin qarşısını almaqdır.